پاکستان کے نوجوان آل راؤنڈر عرفات منہاس نے انگلینڈ کے خلاف شاندار کھیل پیش کرتے ہوئے ون ڈے انٹرنیشنل کرکٹ میں نمایاں اعزاز حاصل کرلیا۔ وہ ایک ہی میچ میں نصف سنچری بنانے اور پانچ یا اس سے زائد وکٹیں لینے والے پاکستان کے تیسرے کھلاڑی بن گئے۔
راولپنڈی کرکٹ اسٹیڈیم میں سہ ملکی سیریز کے میچ میں پاکستان نے انگلینڈ کو 87 رنز سے شکست دی۔ پاکستانی ٹیم نے پہلے بیٹنگ کرتے ہوئے 9 وکٹوں کے نقصان پر 302 رنز بنائے۔ مشکل وقت میں عرفات منہاس نے 58 گیندوں پر 59 رنز اسکور کیے، جبکہ حسن نواز نے 79 رنز کی اہم اننگز کھیلی۔
ہدف کے تعاقب میں انگلینڈ کی ٹیم ابتدا میں بہتر پوزیشن میں تھی، تاہم عرفات منہاس کی عمدہ اسپن بولنگ نے میچ کا نقشہ بدل دیا۔ انہوں نے 8.4 اوورز میں 40 رنز دے کر 6 کھلاڑیوں کو آؤٹ کیا اور انگلش ٹیم کو 215 رنز پر محدود کرنے میں اہم کردار ادا کیا۔
عرفات منہاس اس سے قبل اپنے ون ڈے ڈیبیو پر بھی پانچ وکٹیں حاصل کرچکے ہیں۔ یوں مختصر کیریئر میں ان کی یہ دوسری پانچ وکٹوں والی کارکردگی ہے۔
اس تاریخی کھیل پر انہیں میچ کا بہترین کھلاڑی قرار دیا گیا، جبکہ ان کی آل راؤنڈ کارکردگی نے پاکستانی کرکٹ شائقین کی توجہ حاصل کرلی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔