صدر مملکت آصف علی زرداری سے یورپی یونین کے کمشنر برائے داخلہ امور میگنس برونر نے ایوان صدر میں ملاقات کی، جس میں پاکستان اور یورپی یونین کے تعلقات، غیر قانونی نقل مکانی اور انسانی اسمگلنگ کی روک تھام سمیت قانونی ہجرت کے مواقع پر تبادلہ خیال کیا گیا۔
ملاقات کے دوران صدر آصف علی زرداری نے بتایا کہ یورپی یونین کے اعداد و شمار کے مطابق گزشتہ 18 ماہ میں پاکستان سے غیر قانونی نقل مکانی کے واقعات میں 64 فیصد کمی ریکارڈ کی گئی ہے۔
صدر مملکت کے مطابق پاکستان نے اس عرصے میں غیر قانونی نقل مکانی کی روک تھام کے حوالے سے نمایاں پیش رفت کی ہے۔
اس موقع پر یورپی کمشنر میگنس برونر نے غیر قانونی نقل مکانی کی روک تھام کے لیے پاکستان کی کوششوں کو سراہا۔
ملاقات میں دونوں جانب سے پاکستان اور یورپی یونین کے درمیان تعاون کو مزید فروغ دینے، انسانی اسمگلنگ کی روک تھام اور قانونی نقل مکانی کے لیے سہولتیں بہتر بنانے سے متعلق امور پر بھی گفتگو کی گئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔