امریکی خلائی ادارے ناسا کے خلاباز انیل مینن نے خلائی اسٹیشن سے ستاروں کی روشنی اور قطبی روشنیوں (ارورا) کا ایک دلکش منظر دنیا کے ساتھ شیئر کیا ہے۔
سوشل میڈیا پلیٹ فارم ایکس پر جاری کی گئی ویڈیو میں خلا سے نظر آنے والے ’اسٹار ٹریلز‘ دکھائی دیتے ہیں، جن میں سبز اور سنہری رنگ نمایاں ہیں۔ اسٹار ٹریلز دراصل طویل ایکسپوژر کے دوران ستاروں کی بظاہر حرکت سے بننے والے روشن نشانات کو کہا جاتا ہے۔
انیل مینن نے اس خوبصورت منظر کو خلائی اسٹیشن سے ’ہیپی اسٹار ٹریلز‘ کا لمحہ قرار دیا۔ انہوں نے خلا اور فلکیات میں دلچسپی رکھنے والوں کو مستقبل میں مزید شاندار مناظر دیکھنے کے لیے جڑے رہنے کا مشورہ بھی دیا۔
ناسا کے خلاباز کے مطابق جیسیکا میئر بھی ’آئی آف دی ڈریگن‘ کے مقام سے کچھ مزید غیر معمولی اور خوبصورت خلائی مناظر ریکارڈ کرنے پر کام کر رہی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔