امریکی ریپر میکلمور نے نیوجرسی میں ایک بڑے میوزک کنسرٹ کے دوران فلسطینیوں کے ساتھ یکجہتی کا اظہار کرتے ہوئے آزادیٔ فلسطین کے نعرے بلند کیے۔
پرفارمنس کے دوران میکلمور نے اپنے معروف گانے “Hind’s Hall” بھی پیش کیا، جبکہ اسکرین پر غزہ کے مناظر اور فلسطینی عوام کی حمایت میں پیغامات دکھائے گئے۔
فلسطینی کفایہ پہنے میکلمور نے شرکا سے خطاب کرتے ہوئے کہا کہ غزہ اور مغربی کنارے کے لوگوں کو معلوم ہونا چاہیے کہ دنیا انہیں فراموش نہیں کر چکی۔ انہوں نے اس بات پر زور دیا کہ دنیا کے ہر انسان کو مساوی آزادی اور حقوق حاصل ہونے چاہئیں۔
رپورٹس کے مطابق کنسرٹ میں تقریباً 80 ہزار افراد موجود تھے۔ میکلمور نے فلسطین کے علاوہ ایران، لبنان، کیوبا اور سوڈان کے حوالے سے بھی آزادی کے نعرے لگائے۔
میکلمور اس سے قبل بھی فلسطین کے معاملے پر اپنے مؤقف کا کھل کر اظہار کرتے رہے ہیں اور اپنی موسیقی کے ذریعے فلسطینیوں کے ساتھ حمایت کا پیغام دے چکے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔