قومی اتحاد سے دشمن کی سازشیں ناکام بنائیں گے، ایرانی صدر
ایرانی صدر مسعود پزشکیان نے کہا ہے کہ ملک میں اتحاد اور قومی یکجہتی برقرار رکھ کر مخالف قوتوں کے عزائم کو ناکام بنایا جا سکتا ہے۔
اپنے بیان میں ایرانی صدر کا کہنا تھا کہ دشمن ایران کے اندر اختلافات کو ہوا دے کر تقسیم پیدا کرنے کی کوشش کر رہے ہیں، تاہم ایرانی عوام اور ریاستی اداروں کے درمیان مضبوط تعاون ان کوششوں کا مؤثر جواب ہے۔
مسعود پزشکیان نے کہا کہ موجودہ صورتحال میں قومی یکجہتی پہلے سے زیادہ اہمیت اختیار کر گئی ہے۔ ایران کو درپیش چیلنجز کا مقابلہ باہمی اعتماد، تعاون اور اتحاد کے ذریعے ہی کیا جا سکتا ہے۔
ایرانی صدر نے اس عزم کا اظہار کیا کہ عوام اور ریاستی ادارے متحد رہتے ہوئے ملک کے خلاف ہونے والی کوششوں کا مقابلہ کریں گے اور دشمن کے منصوبوں کو کامیاب نہیں ہونے دیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔