ڈیزل کی قیمت میں 32 روپے فی لیٹر کمی کے بعد آل پاکستان گڈز ٹرانسپورٹرز نے مال بردار گاڑیوں کے کرایوں میں 10 فیصد کمی کا اعلان کردیا۔
آل پاکستان گڈز ٹرانسپورٹرز کے صدر نبیل محمود طارق نے ڈیزل کی قیمت کم کرنے کے حکومتی فیصلے کا خیرمقدم کرتے ہوئے کہا کہ اس اقدام سے سامان کی ترسیل کے اخراجات میں کمی آنے کی توقع ہے۔
ان کا کہنا تھا کہ ایندھن کی قیمتوں میں مسلسل اضافے کے باعث ٹرانسپورٹ شعبہ مشکلات کا شکار تھا، تاہم ڈیزل سستا ہونے سے کاروباری سرگرمیوں پر دباؤ کم ہوگا۔
انہوں نے کہا کہ ٹرانسپورٹرز نے ڈیزل کی قیمت میں کمی کا فائدہ کاروباری طبقے اور عام صارفین تک منتقل کرنے کے لیے مال بردار گاڑیوں کے کرایوں میں 10 فیصد کمی کا فیصلہ کیا ہے۔
نبیل محمود طارق نے حکومت سے مطالبہ کیا کہ ڈیزل کی کم قیمت کو کم از کم ایک ہفتے تک برقرار رکھا جائے تاکہ ٹرانسپورٹرز، تاجروں اور صارفین کو اس فیصلے کے حقیقی فوائد حاصل ہوسکیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔