سونے کی کان بیٹھنے سے 100 سے زائد افراد جاں بحق
وسطی افریقی جمہوریہ میں کیمرون کی سرحد کے قریب سونے کی ایک کان اچانک بیٹھنے کے نتیجے میں 100 سے زائد افراد ہلاک ہوگئے، جبکہ متعدد افراد کے لاپتا ہونے کی اطلاعات ہیں۔
غیر ملکی میڈیا کے مطابق حادثہ زیمبوئے گاؤں میں پیش آیا، جہاں کان بیٹھنے کے بعد بڑی تعداد میں افراد ملبے تلے دب گئے۔ امدادی کارکن لاپتا افراد کی تلاش اور متاثرین کو نکالنے کے لیے کارروائیوں میں مصروف ہیں۔
مقامی حکام نے حادثے کی وجوہات جاننے کے ساتھ ساتھ کان کے انتظام اور آپریشن سے متعلق تحقیقات شروع کردی ہیں۔ حکام نے خدشہ ظاہر کیا ہے کہ ریسکیو کارروائی آگے بڑھنے کے ساتھ ہلاکتوں کی تعداد میں مزید اضافہ ہوسکتا ہے۔
دوسری جانب ہمسایہ ملک کیمرون نے حادثے میں زخمی ہونے والے افراد کو طبی امداد فراہم کرنے کی پیشکش کی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔