یوٹیوب پریمیم فیس میں خاموشی سے بڑا اضافہ کردیاگیا

ہاٹ لائن نیوز : سوشل میڈیا ویژول پورٹل یوٹیوب نے خاموشی سے یوٹیوب پریمیم کی فیس میں اضافہ کردیا ہے۔ یہ اضافہ سب سے پہلے یورپ کے صارفین نے دیکھا۔

فیس میں اضافہ نومبر سے شروع کیا گیا تھا۔ انفرادی اور فیملی پلان رکھنے والوں کو جلد ہی زیادہ فیسوں کا سامنا کرنا پڑے گا۔

یوٹیوب پریمیم سبسکرائبرز کو ای میلز کے ذریعے فیس میں اضافے کی اطلاع دی جا رہی ہے۔ بیلجیئم، ہالینڈ اور اٹلی جیسے ممالک میں فیملی پلان کی ماہانہ فیس 18 یورو سے بڑھ کر 26 یورو ہو جائیگی۔

انفرادی منصوبے کی ماہانہ فیس 12 سے 14 یورو تک بڑھ جائیگی۔ سویڈن اور سوئٹزرلینڈ جیسے ممالک میں بھی فیسیں بڑھیں گی۔