ہاٹ لائن نیوز : بلوچستان سے آنے والے خالی کنٹینر کے اسپیئر وہیل سے 70 کلو گرام چرس برآمد کر لی گئی۔
کلکٹر کسٹمز انفورسمنٹ کراچی کے اہلکاروں نے بلوچستان سے کراچی آنے والے خالی کنٹینر کے اسپیئر وہیل سے 70 کلو گرام چرس برآمد کر لی۔
کسٹم حکام کے مطابق کراچی کے علاقے ناردرن بائی پاس کے کچے علاقے دیہا مائی گڈی سے گزرنے والے ہینو ٹرالر نمبر JV 3781 کو شک کی بنیاد پر روک کر تلاشی لی گئی تو اس میں ایک خالی کنٹینر لدا ہوا تھا۔
حکام کے مطابق عملے نے ٹرک کو تفصیل سے چیک کیا اور جب ٹرک کے ٹول باکس والے حصے میں موجود اسپیئر وہیل کو چیک کیا گیا تو اس میں چرس کے 57 پیکٹ برآمد ہوئے جن کا وزن 70 کلو گرام تھا اور اس کی مالیت ایک کروڑ 5 لاکھ روپے ہے ۔
حکام نے بتایا کہ کسٹم نے برآمد شدہ چرس اور ٹریلر کو قبضے میں لے کر ٹرک پر سوار 2 افراد کو گرفتار کر لیا جن کے خلاف انسداد منشیات اور کسٹم ایکٹ کے تحت مقدمہ درج کیا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
