کراچی کے مختلف علاقوں میں گیس کی بُو، سوئی سدرن نے وضاحت جاری کردی
کراچی: شہر کے مختلف علاقوں میں اتوار کے روز گیس کی غیر معمولی بُو محسوس ہونے پر شہریوں میں تشویش دیکھی گئی، جس پر سوئی سدرن گیس کمپنی (SSGC) نے وضاحتی بیان جاری کیا ہے۔
کمپنی کے مطابق ابوالحسن اصفہانی روڈ کے قریب نئی گیس پائپ لائن کو فعال کرنے کے دوران اوڈورائزیشن پلانٹس کی ٹیسٹنگ کی جا رہی ہے۔ اس عمل میں گیس میں بُو پیدا کرنے والے مادے (اوڈورنٹ) کی مقدار معمول سے زیادہ شامل کی گئی، جس کے باعث شہر کے بعض علاقوں میں گیس کی بُو زیادہ شدت سے محسوس ہو رہی ہے۔
سوئی سدرن کا کہنا ہے کہ اس صورتحال کا گیس لیکیج سے تعلق نہیں بلکہ یہ ٹیسٹنگ کے معمول کے عمل کا حصہ ہے۔ کمپنی کے مطابق اسی وجہ سے مختلف علاقوں سے گیس لیکیج کی شکایات موصول ہوئیں، تاہم ابتدائی جائزے میں یہ بُو ٹیسٹنگ کے باعث قرار دی گئی ہے۔
کمپنی نے شہریوں سے اپیل کی ہے کہ وہ پریشان نہ ہوں اور معمول کے مطابق اپنے روزمرہ کے کام جاری رکھیں۔ البتہ اگر کسی مقام پر گیس کی بُو کے ساتھ دیگر غیر معمولی علامات، جیسے مسلسل تیز بو یا کسی ممکنہ خرابی کا شبہ ہو، تو متعلقہ حکام کو فوری اطلاع دی جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔