لاہور کی انسداد دہشت گردی کی خصوصی عدالت نے گذشتہ سال نو مئی کے واقعات میں گلبرگ کینٹینر جلانے ، مسلم لیگ ہاؤس جلاؤ گھراؤ سمیت دیگر مختلف نوعیت کے الزامات میں درج مقدمات میں تحریک انصاف کے گرفتار رہنماؤں شاہ محمود قریشی ، اعجاز چوہدری ، ڈاکٹر یاسمین راشد ، عمر چیمہ ،میاں محمود الرشید سمیت دیگر ملزمان کی ضمانتوں کی درخواستوں پر سماعت اسپیشل پراسیکیوٹر کی استدعا پر تین جولائی تک ملتوی کر دی۔انسداد دہشت گردی عدالت کے جج ارشد جاوید کے رخصت پر ہونے کے باعث ڈیوٹی جج نے سماعت کی ۔
عدالت نے پراسیکیوشن کو آئندہ سماعت پر ملزمان کی ضمانتوں پر دلائل مکمل کرنے کی ہدایت کر دی ملزمان کے خلاف تھانہ گلبرگ ، نصیر آباد اور ماڈل ٹاؤن میں مقدمات درج ہیں ملزمان نے جیل سے اپنے وکلا کی وساطت سے ضمانتوں کی درخواستیں دائر کی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔