پہلا نجی خلائی جہاز چاندکی سطح پر اتر گیا

ہاٹ لائن نیوز : ایک نجی امریکی خلائی جہاز چاند کی سطح پر اترگیا۔ 1972 میں اپالو مشن کے بعد چاند کی سطح پر اترنے والا یہ پہلا امریکی خلائی جہاز ہے۔اس جہاز کو 14 فروری کو لانچ کیا گیا تھا۔ماہرین نے خلائی جہاز کے چاند پر اترنے کو ایک تاریخی واقعہ قرار دیا ہے۔

چاند کی سطح پر اترنے والا یہ خلائی جہاز ٹیکساس کی کمپنی نےتیار کیا ہے۔ یہ جمعرات کو دیر گئے چاند کے قطب جنوبی سے 350 کلومیٹر کے فاصلے پر اترا۔

یہ چاند کی سطح پر اترنے کے لیے نجی کمپنی کیجانب سے بھیجا جانے والا پہلا خلائی جہاز ہے۔ یہ کامیابی مستقبل قریب میں کمرشل قمری مشن شروع کرنے اور خلائی سیاحت کو فروغ دینے میں زبردست مدد کرے گی۔

امریکی خلائی تحقیقی ادارے ناسا نے اس خلائی جہاز پر کئی تحقیقی آلات نصب کیے ہیں۔ انہوں نے اس کامیابی کو تاریخی قرار دیا ہے۔ خلائی جہاز چاند کی سطح پر مستقبل کے تجارتی مشنوں کے لیے بھی تیاری کرے گا۔ اس دہائی کے دوران کئی خلابازوں کو چاند پر بھیجنے کی تیاریاں کی گئی ہیں۔

مواصلات میں ایک معمولی تکنیکی دشواری نے کچھ ماہرین کو یہ سوچنے پر مجبور کیا کہ خلائی جہاز میں کوئی بڑی خرابی نہیں تھی۔

زمین سے تین لاکھ چوراسی ہزار کلومیٹر کی دوری پر واقع چاند کے ساتھ رابطے میں آنے والی تکنیکی مشکلات پر قابو پا کر بعد کے مشنز کے لیے راستہ صاف کرنے کی تیاریاں کی جا رہی ہیں۔