پاکستان کی طرف سے غزہ کے اسپتال پر بمباری کی مزمت
پاکستان نے اسرائیل کی طرف سے غزہ کے اسپتال پر بمباری کی شدید الفاظ میں مذمت کرتے ہوئے مطالبہ کیا کہ اسرائیل کے مظالم کا فوری خاتمہ ہونا چاہیئے، پاکستانی دفتر خارجہ کے ترجمان کی جانب سے کہا گیا کہ اسرائیل کی جانب سےغزہ کےاسپتال پربمباری کی شدید مذمت کرتے ہیں، طبی سہولیات کو نشانہ بنانا بین الاقوامی قوانین کی خلاف ورزی ہے۔
ان کا مزید کہنا تھا کہ حملہ پام سنڈے جیسے مقدس موقع پر ہوا، جومذہبی تقدس اور انسانی جانوں کی توہین ہے، دفتر خارجہ نے کہا کہ اسرائیلی حملوں میں معصوم اور نہتے فلسطینی بچے اور خواتین شہید ہو رہے ہیں، غزہ کا نظام صحت مفلوج ہو چکا ہے، انہوں نے مزید کہا کہ انسانی امداد پر پابندی تکالیف بڑھانے اور تنازع کو طول دینے کی سوچی سمجھی حکمت عملی ہے، عالمی برادری اسرائیل کو جوابدہ بنائے اور فلسطینی شہریوں کی حفاظت کو یقینی بنایا جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔