جاپان کے شہر اوساکا میں منعقدہ عالمی نمائش ایکسپو 2025 میں پاکستان نے دو اہم بین الاقوامی اعزازات اپنے نام کر لیے ہیں۔
پاکستانی پویلین کو “نمائش کی کیٹیگری” میں کانسی کا تمغہ دیا گیا، جب کہ تخلیقی اندازِ پیشکش پر مبنی “ایڈیٹرز چوائس ایوارڈ” بھی پاکستان کو دیا گیا۔ یہ دوسرا اعزاز اُن ممالک کو دیا جاتا ہے جنہوں نے نمائش میں غیر معمولی تخلیقیت اور جدت کا مظاہرہ کیا۔
پاکستانی پویلین کے لیے مختص جگہ صرف 53 مربع میٹر تھی، تاہم اس کے باوجود تقریباً 17 لاکھ افراد نے پویلین کا دورہ کیا، جو ایک بڑی کامیابی سمجھی جا رہی ہے۔
ایکسپو 2025 اوساکا میں دنیا کے 100 سے زائد ممالک نے شرکت کی، جہاں مختلف قوموں نے اپنی ثقافت، ترقیاتی نظریات اور سائنسی و تخلیقی اختراعات کو عالمی سطح پر متعارف کرایا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔