کراچی: سول اسپتال نے نوزائیدہ بچوں میں پیلیا (پیلا پن) کی فوری تشخیص کے لیے جدید آلہ “ٹرانس کیوٹینیئس بلی روبینومیٹر” متعارف کروا دیا ہے۔
ماہرامراض اطفال پروفیسر اقبال میمن کے مطابق اس آلے کی مدد سے چند سیکنڈ میں پیلیا کی سطح معلوم کی جا سکے گی، اور بچوں کا خون لیے بغیر ہی ٹیسٹ کیا جا سکتا ہے۔
پروفیسر اقبال میمن نے بتایا کہ پہلے پیلیا کے نتائج حاصل کرنے میں کئی گھنٹے لگ جاتے تھے، لیکن اب فوری نتائج دستیاب ہوں گے، جس سے ضرورت پڑنے پر بچوں کا فوری طور پر فوٹو تھراپی کے ذریعے علاج کیا جا سکے گا۔
انہوں نے مزید کہا کہ پیلیا کی زیادہ سطح بعض اوقات پیچیدگیاں پیدا کر سکتی ہے، اور جدید آلے کی مدد سے والدین کا وقت اور پیسہ دونوں بچائے جا سکیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔