ہاٹ لائن نیوز : خیبرپختونخوا کے ضلع ہرن بالا میں مکان پر مٹی کا تودہ گرنے سے 7 بچوں سمیت ایک ہی خاندان کے 12 افراد جاں بحق ہوگئے جب کہ ریسکیو آپریشن مکمل کرکے تمام لاشیں نکال لی گئیں۔
گزشتہ رات ہونے والی موسلادھار بارش کے باعث دیربالا کے علاقے پترک میدان میں ولی محمد نامی شخص کے مکان پر بھاری پتھر اور مٹی گرنے سے مکان کی چھت گر گئی، 12 افراد ملبے تلے دب گئے۔
رات بھر تیز بارش اور اندھیرے کے باعث مقامی لوگوں اور ریسکیو اہلکاروں کو ریسکیو آپریشن میں مشکلات کا سامنا کرنا پڑا تاہم ملبہ ہٹانے کا کام رات بھر جاری رہا۔
ریسکیو آپریشن میں درجنوں مقامی لوگ اور ریسکیو اہلکار مصروف ہیں جبکہ سول ڈیفنس، پولیس اور دیر لیویز کے اہلکاروں نے ریسکیو آپریشن میں حصہ لیا۔
صبح 7 بجے کے قریب ریسکیو آپریشن مکمل کرنے کے بعد 3 خواتین، 2 مردوں اور 7 بچوں کی لاشیں نکال لی گئیں۔
واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں، جاں بحق افراد کا تعلق ایک ہی خاندان سے ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔