ہاٹ لائن نیوز : لاہور کی اسپیشل سنٹرل عدالت نے ایف آئی اے منی لانڈرنگ کیس میں سابق وزیراعلیٰ پنجاب چوہدری پرویز الٰہی کے صاحبزادے چوہدری مونس الٰہی سمیت 6 ملزمان کے شناختی کارڈز اور پاسپورٹ بلاک کرنے کا حکم دے دیا۔
سابق وزیر اعلیٰ پنجاب چوہدری پرویز الٰہی خاندان کیخلاف ایف آئی اے منی لانڈرنگ کیس میں اہم پیش رفت ہوئی ہے، خصوصی سینٹرل کورٹ لاہور کے جج تنویر احمد شیخ نے ایف آئی اے چالان کی سماعت کی۔
عدالت نے مونس الٰہی سمیت 6 ملزمان کے شناختی کارڈز اور پاسپورٹ بلاک کرنے کا حکم دیتے ہوئے 6 ملزمان کے نام پاسپورٹ کنٹرول لسٹ میں ڈالنے کا حکم دے دیا۔
عدالت نے مونس الٰہی و ضیغم عباس کی جائیدادیں اور تمام بینک اکاؤنٹس منجمد کرنیکا حکم جاری کرتےہوئے قصور میں مونس الٰہی کی چھبیس کنال سے زائد اراضی بھی منجمد کرنیکا حکم دیا۔عدالت نے مونس الٰہی کے نام پر لاہور کے علاقے گلبرگ میں پلاٹ اور مکان ضبط کرنے کا بھی حکم دیا۔
بعد ازاں عدالت نے آئندہ سماعت پر عملدرآمد رپورٹس طلب کرتے ہوئے کارروائی 19 ستمبر تک ملتوی کردی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔