ہاٹ لائن نیوز : بچے کی بیرون ملک سے بازیابی کیس پر درخواست میں سماعت
عدالت نے 8 اپریل کو وفاقی سیکرٹری داخلہ کو ذاتی حیثیت میں جواب سمیت طلب کر لیا ہے، عدالت نے وفاقی وزرات داخلہ وزارت خارجہ کی جانب سے آئندہ سماعت پر جامع رپورٹ پیش کرنے کی ہدایت کر دی ہے۔
چیف جسٹس لاہور ہائیکورٹ جسٹس ملک شہزاد احمد خان نےخاتون رابعہ امتیاز کی درخواست پر کیس کی سماعت کی،وفاقی حکومت کی جانب سے رفاقت ڈوگر سمیت دیگر وکلاء پیش ہوئے۔
سماعت کے دوران وفاقی چیف جسٹس ملک شہزاد احمد خان نے کہا کہ سیکرٹری داخلہ کو طلب کیا تھا ، وہ کدھر ہیں ؟
ڈپٹی سیکرٹری داخلہ نے کہا کہ وہ سرکاری مصروفیات کی وجہ نہیں آسکے ، ان کی جگہ میں آیا ہوں۔ اس کے جواب میں چیف جسٹس نے کہا کہ آپ کو تو بلایا ہی نہیں ، عدالت نے وفاقی سیکرٹری داخلہ کو پیش ہونے کا حکم دیا تھا، سب سے زیادہ ضروری عدالت میں حاضر ہونا ہے، طلبی کے باوجود عدالت حاضر نہ ہونے پر کیوں نہ سیکرٹری داخلہ کو توہین عدالت کا شوکاز نوٹس جاری کر دیا جائے،
وزارت داخلہ اور وزارت خارجہ کی جانب سے بچے عبدالمنان کی بازیابی کے لئے کئے گئے اقدامات کی رپورٹ بھی عدالت میں پیش کی گئی اور عدالت نے پیش کی گئی تمام رپورٹس پر عدم اطمینان کا اظہار کیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔