کراچی کے علاقے لانڈھی میں ایک افسوسناک حادثے میں واٹر ٹینکر نے موٹرسائیکل کو ٹکر مار دی، جس کے نتیجے میں موٹرسائیکل سوار ماں اور بیٹا موقع پر ہی جاں بحق ہو گئے۔
حادثہ لانڈھی اسپتال چورنگی کے قریب پیش آیا، جہاں تیز رفتاری سے آنے والے واٹر ٹینکر نے موٹرسائیکل کو زور دار ٹکر ماری۔ مقامی افراد کے مطابق واقعے کے فوراً بعد جائے وقوعہ پر ریسکیو ٹیمیں پہنچ گئیں اور لاشوں کو اسپتال منتقل کیا گیا۔
تاحال پولیس یا متعلقہ حکام کی جانب سے ٹینکر ڈرائیور کی گرفتاری یا اس کے خلاف کسی کارروائی کی تصدیق نہیں ہو سکی ہے۔
ریسکیو ذرائع کے مطابق رواں سال کے دوران کراچی میں ہیوی گاڑیوں کی ٹکر سے ہلاکتوں کی مجموعی تعداد 195 ہو چکی ہے، جس پر شہری حلقوں میں شدید تشویش پائی جاتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔