قومی اسمبلی اجلاس ، فائیو جی کےآغازکاعندیہ

ہاٹ لائن نیوز : قومی اسمبلی اجلاس میں سوالات کےوقفےکےدوران ، ملک میں انٹرنیٹ کےسست روی کے معاملے پر تبادلہ خیال کیا گیا ، جہاں حکومت اور حزب اختلاف کےممبروں کے مابین دلچسپ جملوں کا تبادلہ ہوا۔

پارلیمنٹری سکریٹری برائے آئی ٹی سبین غوری نے ایوان کو بتایا کہ اس سال کے وسط تک انٹرنیٹ میں بہتری آئیگی اور فائیوجی سروس بھی لانچ کیجائے گی۔ انہوں نے کہاہےکہ انٹرنیٹ کی سست روی کی متعددوجوہات ہیں جن پر حکومت کام کررہی ہے۔

پی پی پی کےرکن آغا رفیع اللہ نے انٹرنیٹ کی ناقص صورتحال پر تنقید کرتے ہوئے کہا ، “کوئی ویڈیو ڈاؤن لوڈ نہیں ہوپاتی ہے ، کیونکہ انٹرنیٹ نہیں چلتا۔

پی پی پی کی رکن شگفتہ جامانی نے طنزیہ انداز میں کہا ، “بلاول صاحب نے بجا طور پر کہا کہ وہ نہیں جانتے کہ کونسی مچھلی ہےجو صرف پاکستان کی ہی کیبل کھاتی ہے۔”