فون کی چارجنگ پورٹ میں پانی چلا جائے تو کیا کریں؟ اہم احتیاطی تدابیر جانیں

اکثر ایسا ہوتا ہے کہ موبائل فون کسی وجہ سے پانی کی زد میں آجاتا ہے یا گرنے کے بعد چارجنگ پورٹ گیلی ہو جاتی ہے۔ اگر بروقت اور درست اقدامات نہ کیے جائیں تو چارجنگ میں مسائل پیدا ہو سکتے ہیں یا فون کو نقصان پہنچ سکتا ہے۔

اچھی بات یہ ہے کہ اگر فوری طور پر مناسب طریقہ اپنایا جائے تو فون کو محفوظ رکھا جا سکتا ہے۔ ذیل میں چند مفید طریقے دیے جا رہے ہیں جن کی مدد سے آپ چارجنگ پورٹ سے پانی نکال سکتے ہیں:

1. فون کو فوراً بند کریں

اگر آپ کو شک ہو کہ چارجنگ پورٹ میں پانی چلا گیا ہے، تو فوراً فون بند کر دیں تاکہ کسی قسم کا شارٹ سرکٹ نہ ہو۔

2. خشک کپڑے سے صفائی کریں

فون کے بیرونی حصے اور خاص طور پر چارجنگ پورٹ کے اردگرد کے حصے کو نرمی سے خشک کپڑے سے صاف کریں۔ صفائی کے دوران احتیاط برتیں تاکہ پانی مزید اندر نہ جائے۔

3. فون کو آہستہ جھٹکیں

فون کو ہلکے جھٹکوں سے یا آہستہ تھپک کر رکھیں تاکہ چارجنگ پورٹ میں موجود پانی باہر آ جائے۔

4. ہوادار جگہ پر رکھیں

فون کو کچھ گھنٹوں کے لیے کسی ایسی جگہ پر رکھیں جہاں ہوا کی آمد و رفت اچھی ہو۔ اس سے نمی خشک ہونے میں مدد ملے گی۔

5. سلیکا جیل کا استعمال کریں

اگر آپ کے پاس سلیکا جیل کے پیکٹ موجود ہیں تو فون کو کسی زِپ بیگ میں ڈال کر ان پیکٹس کے ساتھ کچھ دیر کے لیے رکھ دیں۔ سلیکا جیل نمی کو جذب کرنے میں مددگار ہوتا ہے۔

اضافی مشورہ:

ہیئر ڈرائیر یا چاول میں فون رکھنے جیسے طریقوں سے گریز کریں کیونکہ ان سے نقصان ہونے کا خدشہ ہوتا ہے۔

اگر چارجنگ نہ ہو تو:

مختلف چارجنگ کیبل یا چارجر سے کوشش کریں۔

اینڈرائیڈ صارفین USB سیٹنگز میں جا کر cache کلیئر کر سکتے ہیں (سیٹنگز > ایپس > سسٹم ایپس > USB Settings)۔

اگر ان تمام کوششوں کے باوجود فون چارج نہ ہو رہا ہو تو ممکن ہے کہ مسئلہ ہارڈ ویئر کا ہو، ایسی صورت میں کسی ماہر تکنیکی فرد سے رابطہ کرنا بہتر ہوگا۔ اگر فون میں وائرلیس چارجنگ کا آپشن موجود ہے تو وہ بھی آزمائیں۔