شفاف ٹیپ کے حیران کن استعمال: صرف چیزیں چپکانے کے لیے نہیں

اکثر لوگ شفاف ٹیپ کو صرف چیزیں جوڑنے یا چپکانے کے لیے استعمال کرتے ہیں، مگر حقیقت یہ ہے کہ اس کے کئی دلچسپ اور مفید استعمال ہیں جو روزمرہ زندگی کو آسان بنا سکتے ہیں۔
کی بورڈ پر گرد اور چھوٹے ذرات جمع ہو جاتے ہیں، جسے صاف کرنا اکثر مشکل ہوتا ہے۔ اس کام کے لیے اسکاچ ٹیپ ایک آسان حل ہے۔ صرف ایک چھوٹا ٹکڑا ٹیپ لیں اور کی بورڈ کی سطح پر ہلکے ہاتھ سے لگائیں، یہ چھوٹے ذرات فوراً چپک جائیں گے۔
اگر گلاس یا شیشے کی کوئی چیز ٹوٹ جائے تو ننھے ذرات کا صفایا مشکل ہو سکتا ہے۔ اس کے لیے ٹیپ کا چپکنے والا حصہ باہر کی طرف رکھتے ہوئے اسے کاغذ کے گرد لپیٹیں اور فرش پر پھیریں۔ یہ ٹوٹے ہوئے شیشے کے تمام ذرات چپکا لے گا۔
جوتوں کے تسمے اکثر کنارے سے اکھڑ جاتے ہیں۔ اس مسئلے کے لیے ٹیپ کا پتلا ٹکڑا تسمے کے سرے کے گرد لپیٹیں، جوتے فوری طور پر بہتر نظر آنے لگیں گے۔
لباس پر بال یا نکلتے دھاگے بدنما لگتے ہیں۔ ٹیپ کو ہاتھ یا ہیئر برش کے ہینڈل پر لپیٹ کر کپڑے پر رگڑیں، پھر احتیاط سے کھینچیں۔
اگر کریڈٹ کارڈ کی مقناطیسی پٹی کمزور ہو جائے تو اس پر پتلی ٹیپ کی تہہ لگائی جا سکتی ہے۔ یہ طریقہ وقتی طور پر مددگار ہے، مگر مستقل حل کے لیے نیا کارڈ لینا ضروری ہے۔