ہاٹ لائن نیوز: کراچی میں سی آئی اے کے اسپیشل انویسٹی گیشن یونٹ پر مبینہ طور پر لوٹ مار میں ملوث ہونے کا انکشاف ہوا ہے۔ سی آئی اے کراچی کے افسران اور اہلکاروں پر نوے ہزار ڈالر لوٹنے کا الزام ہے۔
سی آئی اے کے اسپیشل انویسٹی گیشن یونٹ پر کراچی کے علاقے اسکیم 33 میں ایک گھر پر چھاپہ مار کر شہری کو حراست میں لے کر رقم لوٹنے کا الزام ہے۔
ایس ایس پی عدیل چانڈیو کے مطابق ہمیں شکایت موصول ہوئی، سی آئی اے ٹیم نے مبینہ طور پر شہری سے 90 ہزار ڈالرز چوری کیے، اصل حقائق واقعے کی تحقیقات کے بعد سامنے آئیں گے۔
عدیل چانڈیو نے کہا کہ شکایت پر فوری ایکشن لیا گیا ہے، شہری کو حراست میں لے کر رقم لوٹنے والے سب انسپکٹر سمیت پوری ٹیم کو معطل کر دیا گیا ہے۔
انہوں نے کہا کہ ڈی ایس پی ایس آئی یو شبیر احمد خان کو بھی معطل کر دیا گیا، واقعے کی تحقیقات جاری ہیں، اہلکاروں کے خلاف مقدمہ درج کرنے کے لیے مدعی سے رابطہ کیا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔