سیاحوں کا رکشہ گہری کھائی میں جا گرا، ایک جاں بحق
کے۔پی۔کے کے سیاحتی مقام جبہ میں سیاحوں سے بھرا رکشہ گہری کھائی میں جاگرا، جس کے باعث ایک شخص جاں بحق جبکہ 4 شدید زخمی ہوئے، حادثے کے شکار تمام سیاحوں کا تعلق ملتان سے بتایا جا رہا ہے، یہ حادثہ گبین جبہ سے مٹہ واپس جاتے ہوئے رکشے کے بریک فیل ہونے سے ہوا، جس کے سبب رکشہ کھائی میں جا گرا۔
ریسکیو 1122 کی ٹیم نے کارروائی کرتے ہوئے جاں بحق سیاح کی میت اور زخمیوں کو اسپتال منتقل کر دیا، جاں بحق نوجوان کی شناخت سلمان کے نام سے ہوئی، جبکہ زخمیوں میں زبیر، نعمان، مانے اور اسلام شامل ہیں، بعض کی حالت تشویشناک بتائی جا رہی ہے، مقامی پولیس نے جائے وقوعہ پر پہنچ کر تحقیقات شروع کر دی ہیں، ریسکیو حکام نے سیاحوں کو احتیاط برتنے کی ہدایت کی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔