سونے کی قیمت میں معمولی کمی، چاندی مہنگی ہوگئی

عالمی اور مقامی مارکیٹوں میں سونے کی قیمت میں محدود کمی دیکھی گئی، جبکہ چاندی کی قیمت میں اضافہ ریکارڈ کیا گیا۔
صرافہ مارکیٹ سے دستیاب اعداد و شمار کے مطابق ملک میں فی تولہ سونے کی قیمت 43 روپے کمی کے بعد 4 لاکھ 37 ہزار 993 روپے تک پہنچ گئی۔ اسی طرح 10 گرام سونے کی قیمت 39 روپے کم ہو کر 3 لاکھ 74 ہزار 166 روپے ہوگئی۔
دوسری جانب چاندی کی قیمت میں اضافہ ہوا ہے اور فی تولہ چاندی 16 روپے مہنگی ہو کر 6 ہزار 972 روپے پر پہنچ گئی۔
عالمی منڈی میں بھی سونے کی قیمت میں معمولی کمی ریکارڈ کی گئی، جہاں فی اونس سونا 43 سینٹ سستا ہو کر 4 ہزار 155 اعشاریہ 5 ڈالر پر آگیا۔