سعودی عرب کی عمرہ ویزا پالیسی میں اہم تبدیلی
سعودی وزارتِ حج و عمرہ نے عمرہ ویزا سے متعلق نئے ضوابط کا اعلان کیا ہے۔ وزارت کے مطابق اب عمرہ ویزا حاصل کرنے کے بعد زائرین کو 30 دن کے اندر سعودی عرب پہنچنا لازمی ہوگا، بصورتِ دیگر ویزا خود بخود منسوخ ہوجائے گا۔
پہلے یہ مدت تین ماہ تھی، تاہم نئے قانون کے تحت اسے کم کرکے ایک ماہ کردیا گیا ہے۔ البتہ سعودی عرب پہنچنے کے بعد زائرین کو تین ماہ تک قیام کی اجازت بدستور حاصل رہے گی۔
وزارتِ حج و عمرہ کے مشیر احمد با جیفر نے بتایا کہ یہ ضوابط آئندہ ہفتے سے نافذ ہوں گے۔ ان کے مطابق اس تبدیلی کا مقصد بڑھتی ہوئی عمرہ زائرین کی تعداد کو بہتر انداز میں منظم کرنا ہے۔
عرب میڈیا رپورٹس کے مطابق رواں سال جون سے اب تک 40 لاکھ سے زائد بین الاقوامی زائرین کے لیے عمرہ ویزے جاری کیے جا چکے ہیں، جو گزشتہ برسوں کے مقابلے میں ایک نمایاں اضافہ ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔