زمین کے نیچے خزانہ؟ کورنگی کاز وے پر حیران کن مناظر

کراچی کے علاقے کورنگی کاز وے کے قریب ملیر ندی میں سونے کے ذرات کی تلاش کے لیے شہریوں کی بڑی تعداد پہنچ گئی ہے۔ لوگ مختلف اقسام کا کھدائی کا سامان لے کر خود سے گڑھے کھود رہے ہیں، تاکہ ممکنہ طور پر موجود سونے کے ذرات تلاش کیے جا سکیں۔

موقع پر خواتین، مرد اور بچے سبھی موجود ہیں، جو ندی کے مختلف حصوں میں ہاتھوں یا اوزاروں کی مدد سے کھدائی میں مصروف نظر آتے ہیں۔ اس صورتحال کی متعدد ویڈیوز سوشل میڈیا پر وائرل ہو چکی ہیں، جن میں شہریوں کو ندی کے کناروں پر سرگرم دیکھا جا سکتا ہے۔

تاحال کسی سرکاری ادارے یا ماہر ارضیات کی جانب سے یہاں سونے کی موجودگی کی تصدیق نہیں ہوئی، تاہم عوامی دلچسپی میں روز بروز اضافہ دیکھا جا رہا ہے۔