ریمپ واک پر تنقید کے بعد جنت مرزا نے توڑا خاموشی کا پردہ

سوشل میڈیا اسٹار جنت مرزا نے برائیڈل کاؤچر ویک کے ریمپ واک کے حوالے سے شدید تنقید کے بعد اپنی خاموشی توڑ دی ہے۔

اپنی ایک وضاحتی ویڈیو میں جنت مرزا نے کہا کہ ریمپ واک ان کے لیے توقع سے زیادہ مشکل ثابت ہوئی۔ ابتدائی طور پر وہ سمجھ رہی تھیں کہ یہ آسانی سے مینیج ہو جائے گا، لیکن شو کے دوران مختلف چیلنجز سامنے آئے۔

انہوں نے بتایا کہ ان کا لباس غیر معمولی طور پر بھاری تھا، جسے سنبھالنا مشکل رہا۔ اس کے علاوہ، ایک ذاتی وجہ بھی ان کے ذہنی دباؤ کا سبب بنی، تاہم انہوں نے اس کا ذکر تفصیل سے نہیں کیا۔

جنت مرزا کے مطابق، شو کے دوران ریہرسل کے مطابق سب کچھ نہیں ہوا، جس کا براہِ راست اثر ان کی واک پر پڑا۔ انہوں نے یہ بھی کہا کہ لائٹنگ اور دیگر انتظامات بھی جیسا بتایا گیا تھا ویسا نہیں تھے، جس سے وہ کنفیوز ہو گئیں۔

اگرچہ انہیں مشکلات کا سامنا کرنا پڑا، جنت مرزا نے کہا کہ مجموعی طور پر یہ تجربہ ان کے لیے نیا اور سیکھنے والا رہا۔

سوشل میڈیا پر یہ وضاحتی ویڈیو وائرل ہو چکی ہے اور صارفین کی جانب سے ملا جلا ردعمل سامنے آ رہا ہے۔ کچھ مداحوں نے ان کی حوصلہ افزائی کی، جبکہ دیگر صارفین اب بھی ریمپ واک کے معیار پر سوال اٹھا رہے ہیں۔