دبئی کو دنیا کا حسین ترین شہر بنانے کیلئے 18 ارب درہم کا نیا منصوبہ
دبئی کو عالمی سطح پر خوبصورتی، جدیدیت اور پائیدار ترقی کی علامت بنانے کے لیے 18 ارب درہم مالیت کا نیا ترقیاتی منصوبہ منظور کرلیا گیا ہے۔
دبئی کے ولی عہد شیخ حمدان بن محمد بن راشد المکتوم نے اس منصوبے کے تحت متعدد اقدامات کا اعلان کیا ہے، جن میں شہر بھر میں 630 نئے عوامی پارکس اور سبز مقامات کی تعمیر شامل ہے۔
مزید برآں، دبئی کے اسپورٹس اسٹریٹیجک پلان 2033 کے تحت 75 نئے اقدامات متعارف کرائے جائیں گے، جن کا مقصد دبئی کو عالمی اسپورٹس حب میں تبدیل کرنا ہے۔
شیخ حمدان کا کہنا ہے کہ دبئی میں ترقی کا نیا دور فطرت، جدت اور جدید شہری منصوبہ بندی کے امتزاج سے تشکیل دیا جائے گا، تاکہ رہائشیوں اور سیاحوں دونوں کے لیے یہ شہر مزید پرکشش اور قابلِ فخر بن سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔