ہاٹ لائن نیوز : لاہور ہائیکورٹ میں کم عمر ڈرائیورز کا کریمنل ریکارڈ بنانے کے خلاف کیس میں اہم پیش رفت ہوئی۔
انویسٹیگیشن ونگ نے بچوں کا کریمنل ریکارڈ کمپیوٹر ڈیٹا سے ختم کرنے کیلئے مراسلہ لکھ دیا ۔
لاہور پولیس انویسٹیگیشن ونگ نے رپورٹ عدالت میں پیش کردی ۔
عدالت نے کم عمر ڈرائیور بچوں سے متعلق جوینائل ایکٹ پر عملدرآمد رپورٹ طلب کرلی ۔
عدالت نے احکامات پر عملدرآمد رپورٹ یکم فروری کو طلب کرلی ۔
جسٹس علی ضیاء باجوہ نےایڈووکیٹ راناسکندر کی درخواست پر سماعت کی
پولیس حکام اور نادرا کے نمائندے عدالت میں پیش ہوئے ۔
رانا سکندر ایڈووکیٹ نے عدالت کو بتایا کہ پولیس کم عمر بچوں کا نام کریمنل ریکارڈ میں شامل کر رہی ہے،چیف ٹریفک آفیسر نے عدالت میں بیان دیا تھا کہ کم عمر ڈرائیورز کا نام کریمنل ریکارڈ میں شامل نہیں کیا جائے گا،سی ٹی او کی عدالت میں یقین دہانی کے باوجود بچوں کے نام سی آر او میں شامل کیے جا رہے ہیں،بچوں کے ابھی شناختی کارڈز بنے نہیں لیکن کریمنل ریکارڈ بن رہا ہے۔
رانا سکندر ایڈووکیٹ نے استدعا کی کہ کم عمر ڈرائیورز کے نام کو کریمنل ریکارڈ میں شامل نہ کیا جائے،جن بچوں کا سی آر او میں نام شامل کیا گیا اسے خارج کیا جائے
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
