ہاٹ لائن نیوز : لاہور ہائیکورٹ میں محکمہ پولیس سے برطرف کیے گئے ریٹائرڈ فوجیوں کی بحالی کیس کا تحریری فیصلہ جاری کردیا گیا ۔
عدالت نے درخواستوں پر دو ماہ میں فیصلہ کرنے کا حکم دے دیا۔
فیصلے کے مطابق درخواست گزار 15 جون 2023 کے حکم پر عملدرآمد کروانے کی درخواست دی،سابق فوجیوں کی پولیس سے برطرفی کے لیے ایپلٹ کمیٹی تشکیل دی گئی تھی ۔
لاہور ہائیکورٹ کے جسٹس عابد عزیز شیخ نے درخواست پر فیصلہ جاری کیا جبکہ درخواست مدثر یونس سمیت دیگر نے ایڈووکیٹ آصف شہزاد کے توسط سے دائر کی ہے۔
درخواست میں موقف اختیار کیا گیا کہ فوج سے ریٹائر افراد کو 2006 سے مختلف ادوار میں پولیس میں بھرتی کیا گیا،2021 میں 1200 کے قریب بھرتی کیے گئے ملازمین کو برطرف کر کیا گیا ، پنجاب ریگولائیزیشن ایکٹ 2018 کے تحت بحالی کے لیے کمیٹی تشکیل دی گئی،کمیٹی کمشنر،سی سی پی او لاہور،ڈی سی لاہور،اور محکمہ خزانہ پر مشتمل تھی،کمیٹی نے 15 جون 2023 کو بحال کرنے کا حکم دے دیا،506 برطرف ملازمین کی کمیٹی حکم کے مطابق بحالی نہیں کیا جا رہا،عدالت کمیٹی کے حکم کے تحت بحال کرنے کا حکم دے ۔
سرکاری وکیل نے عدالت میں بتایا کہ بحالی کی درخواستوں پر کام جاری ہے،بحالی کا نوٹیفکیشن جلد جاری کر دیا جائے گا ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔