ہاٹ لائن نیوز : حکومتی مداخلت کیس میں انسداد دہشت گردی کی عدالت نے ملزمہ ایمان مزاری اور ان کے شوہر کو تین روزہ جسمانی ریمانڈ پر پولیس کے حوالے کردیا۔
انسداد دہشت گردی کی عدالت کے جج ابوالحسنات ذوالقرنین نے کیس کی سماعت کی۔ ایمان مزاری اور ہادی علی چٹھہ کے وکیل عطا اللہ کنڈی نے دلائل دیتے ہوئے کہا کہ ایمان مزاری، ہادی علی چٹھہ جانتے تھے کہ بین الاقوامی ٹیموں کو روٹ کیا جا رہا ہے۔
انہوں نے کہا کہ روٹ ختم ہو گیا، راستہ کھلنے کا انتظار کر رہے تھے، ایمان مزاری کو عدالت پہنچنا تھا، اسلام آباد میں جو کچھ ہو رہا ہے وہ سب کے سامنے ہے، ایمان مزاری رکاوٹ ہٹاتے ہوئے پولیس کی وجہ سے زخمی ہوئیں، میڈیکل رپورٹ دستیاب ہے۔
پراسیکیوٹر راجہ نوید نے 30 روزہ جسمانی ریمانڈ کی استدعا کرتے ہوئے کہا کہ بین الاقوامی ٹیموں کا پاکستان آنا ضروری ہے، ٹیموں کو سرکاری مہمانوں کا درجہ دیا گیا ہے۔
انہوں نے کہا کہ ایمان مزاری اور ہادی علی چٹھہ نے سڑکوں کی رکاوٹیں ہٹا کر لوگوں کو مشتعل کیا۔ پولیس نے روکا لیکن وہ سیکیورٹی توڑتے رہے، ایمان مزاری، ہادی علی چٹھہ نے بین الاقوامی ٹیموں کی سیکیورٹی کو خطرے میں ڈال دیا۔
عدالت نے دلائل سننے کے بعد فیصلہ محفوظ کرلیا، بعد ازاں عدالت نے دونوں ملزمان کا تین روزہ جسمانی ریمانڈ منظور کرلیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔