پاکستان کرکٹ ٹیم نے اہم میچ سے قبل اسپورٹس سائیکولوجسٹ کی خدمات حاصل کر لیں
ایشیا کپ میں بھارت کے خلاف اہم مقابلے سے قبل پاکستان کرکٹ ٹیم کی تیاریوں کو مزید مؤثر بنانے کے لیے ایک اسپورٹس سائیکولوجسٹ کی خدمات حاصل کر لی گئی ہیں۔ ٹیم ذرائع کے مطابق ڈاکٹر راحیل نے قومی اسکواڈ کو دبئی میں جوائن کیا ہے تاکہ کھلاڑیوں کی ذہنی پختگی اور خود اعتمادی میں اضافہ کیا جا سکے۔
دبئی میں ہونے والے ایک اہم اجلاس میں ٹیم مینجمنٹ اور کھلاڑیوں نے میچ سے قبل مشاورت کی، جس میں کھلاڑیوں نے آئندہ میچوں میں بہتر کارکردگی کے عزم کا اظہار کیا۔ ہیڈ کوچ مائیک ہیسن نے ٹیم پر مکمل اعتماد ظاہر کیا اور کھلاڑیوں کی حوصلہ افزائی کی۔
واضح رہے کہ پاکستان اور بھارت کے درمیان ایشیا کپ کا دوسرا میچ 21 ستمبر کو دبئی انٹرنیشنل کرکٹ اسٹیڈیم میں شیڈول ہے، جسے دونوں ٹیموں کے لیے نہایت اہم سمجھا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔