اٹک کے سرحدی علاقے میں محکمہ انسداد دہشت گردی (سی ٹی ڈی) نے خفیہ اطلاع پر کارروائی کرتے ہوئے فائرنگ کے تبادلے میں 5 دہشت گردوں کو ہلاک کر دیا۔
سی ٹی ڈی کے ترجمان کیمطابق آپریشن کےدوران دہشتگردوں نے فورسز پر فائرنگ کردی جس پر اہلکاروں نے مؤثرجوابی کارروائی کی۔ فائرنگ کےشدیدترین تبادلے میں پانچوں دہشتگرد مارے گئے۔
ترجمان نے بتایا کہ ہلاک ہونے والے افراد سے اسلحہ، بارودی مواد اور دستی بم برآمد ہوئے ہیں۔ ابتدائی معلومات کے مطابق یہ دہشت گرد پنجاب میں ممکنہ حملوں کی منصوبہ بندی میں مصروف تھے۔
کارروائی انٹیلی جنس معلومات کی بنیاد پر کی گئی، جبکہ علاقے میں ممکنہ سہولت کاروں اور فرار عناصر کی تلاش کے لیے سرچ آپریشن بھی جاری ہے۔
سی ٹی ڈی نے ہلاک دہشت گردوں کی شناخت کا عمل شروع کر دیا ہے اور واقعے کی مزید تحقیقات جاری ہیں۔
حکام کا کہنا ہے کہ صوبے میں امن و امان برقرار رکھنے اور دہشت گردی کے خطرات کو روکنے کے لیے کارروائیاں تسلسل کے ساتھ جاری رہیں گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔