ہاٹ لائن نیوز : کم رفتار کے ساتھ مغربی ہواؤں کے نظام نے بھی بلوچستان میں انتہائی پریشان کن صورتحال پیدا کر دی ہے۔ بارش اور برفباری کے باعث بعض علاقوں میں لوگوں کوشدید مشکلات کاسامناہے۔
موسلادھار بارش کے باعث پانی کا دباؤ بڑھنے سے گوادر کی تحصیل اورماڑہ میں زیر تعمیر بسول ڈیم کا بند ٹوٹ گیا۔
زیر تعمیر بسول ڈیم میں شگاف پڑنے سے پانی کی بڑی مقدار چھوڑی جا رہی ہے۔ سیلابی ریلا کوسٹل ہائی وے سے گزررہا ہے۔ اورماڑہ میں پولیس نے ٹریفک روک دی ہے ۔
اورماڑہ پل کے اوپر سے بھی پانی گزر رہا ہے۔ مکران کوسٹل ہائی وے کو دونوں اطراف سے بند کر دیا گیا ہے۔ دونوں طرف مسافر پھنس گئے ہیں۔ اورماڑہ پل کے قریب رہائشیوں کو نقل مکانی کا حکم دیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔