ہاٹ لائن نیوز: ٹیپو ٹرکاں والے کے صاحبزادے امیر بالاج ٹیپو کو لاہور کے مقامی قبرستان میں سپرد خاک کر دیا گیا۔
ٹیپو ٹرکاں والے کے بیٹے امیر بالاج ٹیپو کی نماز جنازہ شاہ عالم چوک میں ادا کی گئی جس میں تاجروں اور اہل علاقہ نے بڑی تعداد میں شرکت کی۔
امیر بالاج کو گزشتہ اتوار کی شب چوہنگ کی نجی سوسائٹی میں شادی کی تقریب میں قتل کر دیا گیا تھا، قتل کے مقدمے میں خواجہ تعریف گلشن عرف طیفی بٹ اورخواجہ عقیل عرف گوگی بٹ کونامزدکیاگییا ہے۔
ایف آئی آر کے مطابق حملہ آور مظفر حسین اپنے ساتھیوں کی فائرنگ سے مارا گیا۔ ملزم نے ایک روز قبل نیا موبائل فون اور سم خریدی تھی جو کراچی کی لطیفاں بی بی کے نام پر نکلی۔
پولیس کے مطابق ملزمان کی گرفتاری کے لیے آپریشنز، انویسٹی گیشن اور آرگنائز کرائم یونٹ کی 3 ٹیمیں تشکیل دے دی گئی ہیں، موبائل فون ڈیٹا اور حملہ آور کے مقامات کی مدد سے 3 افراد کو حراست میں لیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔