امریکی صدر کا پاک افغان مسئلے کے حل میں دلچسپی کا اظہار

کوالالمپور میں جاری آسیان سمٹ سے خطاب کے دوران امریکی صدر ڈونلڈ ٹرمپ نے کہا ہے کہ وہ پاکستان اور افغانستان کے درمیان مسائل کے حل کے لیے کردار ادا کرنے کے خواہاں ہیں۔

صدر ٹرمپ کا کہنا تھا کہ انہیں دونوں ممالک کی قیادت پر اعتماد ہے اور وہ پرامید ہیں کہ پاک افغان تنازعات کو جلد اور بہتر انداز میں حل کیا جا سکتا ہے۔ انہوں نے مزید کہا کہ حال ہی میں کئی تنازعات کو ختم کرانے میں کردار ادا کیا ہے اور اس سلسلے میں ایک اور مسئلے پر توجہ دینا باقی ہے۔

ٹرمپ نے اس موقع پر کہا کہ انہیں علم ہوا ہے کہ پاکستان اور افغانستان کے درمیان دوبارہ کشیدگی پیدا ہوئی ہے، جس کے حل کے لیے وہ عملی اقدامات پر غور کر رہے ہیں۔

دوسری جانب، پاک افغان مذاکرات کے دوسرے دور میں پاکستان نے طالبان کو دہشت گردی کی روک تھام کے لیے ایک جامع منصوبہ پیش کیا ہے تاکہ خطے میں پائیدار امن قائم کیا جا سکے۔