اسٹیڈیم پرحملےکی دھمکی دینےوالاگرفتار
احمد آباد: (ہاٹ لائن نیوز) احمد آباد کے نریندر مودی اسٹیڈیم پر حملے کی دھمکی دینے والے شخص کو گرفتارکرلیا گیا ہے ۔
دنیا کے سب سے بڑے ‘نریندر مودی کرکٹ اسٹیڈیم’ پر حملے کی دھمکی دینے والے شخص کو بھارتی پولیس نے گرفتار کر لیا۔
بھارتی میڈیا کے مطابق احمد آباد کرائم برانچ نے نریندر مودی اسٹیڈیم پر حملے کی دھمکی دینے والے مبینہ شخص کو حراست میں لے لیا ہے۔ گرفتار شخص پر الزام ہے کہ اس نے اسٹیڈیم کو اڑانے کی دھمکی دی تھی۔
کرائم برانچ کے اہلکار کا کہنا ہے کہ اس شخص کو گجرات کے راجکوٹ سے گرفتار کیا گیا ہے۔
واضح رہے کہ چند روز قبل بھارتی میڈیا نے دعویٰ کیا تھا کہ بھارت کی میزبانی میں احمد آباد میں ہونے والے آئی سی سی ون ڈے ورلڈ کپ 2023 کے میچز کے دوران دہشت گردی کا خطرہ ہے۔
میڈیا رپورٹس کے مطابق ممبئی پولیس کو احمد آباد کرکٹ اسٹیڈیم اور بھارتی وزیراعظم نریندر مودی کو بم سے اڑانے کی دھمکی والی ای میل موصول ہوئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
