اسلام آباد: الیکشن کمیشن آف پاکستان نے اثاثوں کی تفصیلات مقررہ وقت میں جمع نہ کرانے پر قومی اور صوبائی اسمبلیوں کے متعدد اراکین کی رکنیت معطل کر دی ہے۔
الیکشن کمیشن کی جانب سے جاری کردہ اعلامیے کے مطابق قومی اسمبلی کے 32 اراکین کی رکنیت معطل کی گئی ہے، جبکہ پنجاب اسمبلی کے 50 اور سندھ اسمبلی کے 33 اراکین بھی اس کارروائی کی زد میں آئے ہیں۔
معطل ہونے والے قومی اسمبلی کے اراکین میں وفاقی وزیر خالد مقبول صدیقی، سید علی موسیٰ گیلانی اور سید عبدالقادر گیلانی شامل ہیں۔
اسی طرح پنجاب اسمبلی کے معطل اراکین میں رانا سکندر حیات، عدنان ڈوگر اور عامر حیات ہراج کے نام شامل ہیں، جبکہ سندھ اسمبلی سے صوبائی وزیر سعید غنی کی رکنیت بھی معطل کر دی گئی ہے۔
الیکشن کمیشن کے مطابق اثاثوں کی تفصیلات جمع کرانے کے بعد معطل اراکین کی رکنیت بحال کی جا سکتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔