اب پراپرٹی پر بھاری ٹیکس عائد کیا جائے گا

ہاٹ لائن نیوز : اسلام آباد میں پراپرٹی پر بھاری ٹیکس عائد ہو گا، سی۔ ڈی ۔اے نے نوٹیفکیشن جاری کردیا ہے،نوٹیفکیشن کے مطابق ہاؤسنگ سوسائٹیوں اور سیکٹرز میں پلاٹس پر سالانہ بھاری پراپرٹی ٹیکس عائد ہوا ہے۔

مارگلہ ٹاون، شہزاد ٹاؤن اور راول ٹاؤن میں ایک سو چالیس اسکوائرز یارڈز تک پلاٹس پر چوبیس ہزار ٹیکس، آٹھ کنال کے فارم ہاؤس پر 1 لاکھ 80 ہزار روپے ،نوے سے 120 کنال تک فارم ہاؤسز پر چار لاکھ 42 ہزار روپے جبکہ بلیو ایریا میں کمرشل پراپرٹیز پر گراؤنڈ فلور میں پر اسکوائر فٹ بتیس روپے ٹیکس عائد ہوگا۔

اس نوٹیفکیشن کے مطابق بیسمنٹ میں پر اسکوائر فٹ بائیس روپے جبکہ رہائشی اپارٹمنٹ پر اسکوائر فٹ چھبیس روپے ٹیکس عائد ہو گا، پرائیویٹ ہسپتالوں میں پراسکوائر فٹ بائیس روپے، سی۔این۔جی اسٹیشنز اور پیٹرول پمپس پراسکوائر فٹ ایک سے 80 روپے ٹیکس جبکہ میرج ہالز اور مارکیز میں پر اسکوائر فٹ تیرپ روپے پراپرٹی ٹیکس عائد ہوا ہے۔