بین الاقوامی مالیاتی فنڈ (آئی ایم ایف) نے پاکستان کی نئی گندم پالیسی میں کم از کم امدادی قیمت مقرر کرنے کے معاملے پر وضاحت طلب کرلی ہے۔
ذرائع کے مطابق پالیسی کی منظوری کے بعد آئی ایم ایف نے وزارتِ قومی غذائی تحفظ و تحقیق کو خط لکھ کر گندم پالیسی کی تفصیلات مانگیں اور اس پر اپنے تحفظات سے آگاہ کیا۔
وزارتِ فوڈ کے حکام کے مطابق آئی ایم ایف کو وضاحت دی گئی ہے کہ پالیسی میں امدادی قیمت فکس نہیں کی گئی بلکہ صرف اشاریہ جاتی (انڈیکٹو) قیمت کا تعین کیا گیا ہے۔ وزارت کا کہنا ہے کہ عالمی منڈی میں امریکی ہارڈ ریڈ گندم کی قیمت — جو اس وقت تقریباً 238 ڈالر فی ٹن ہے — کو بنیاد بنا کر یہ اشاریہ جاتی قیمت نکالی گئی۔
ذرائع کے مطابق اس قیمت میں کراچی میں لینڈنگ لاگت اور ملتان تک ترسیل کے اخراجات شامل کر کے اندازہ لگایا گیا کہ درآمد شدہ گندم کی قیمت تقریباً 3500 روپے فی من بنتی ہے۔
وزارتِ فوڈ کے ذرائع کے مطابق آئی ایم ایف کے تمام اعتراضات اور ان کے جوابات وزیراعظم ہاؤس کے ساتھ بھی شیئر کر دیے گئے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔