ہم سے پنگا لیا تو تمہاری نسلیں یاد رکھیں گی

ہم سے پنگا لیا تو تمہاری نسلیں یاد رکھیں گی

وفاقی وزیر عطا اللہ تارڑ نے بھارت کو پیغام دیتے ہوئے کہا ہے کہ اگر ہماری طرف بڑھے تو تمہاری نسلیں بھی یاد رکھیں گی، ہم ایسا سبق سکھائیں گے کہ مائیں بچوں سے کہیں گی کہ پاکستان سے کبھی پنگا مت لینا، قومی اسمبلی میں تقریر کے دوران انہوں نے کہا کہ گجرات کے قصائی کی تمام پالیسیاں ناکام ہو گئیں ہیں۔

پہلگام حملے کی تحقیقات کی بات کی تو بھارت کی ٹانگیں کانپنا شروع ہو گئیں بھارت آہستہ آہستہ بند گلی میں داخل ہو رہا ہے، عطا تارڑ نے کہا ہے کہ کل ایل۔ او۔ سی کے قریب تھا جہاں پر بھارت کہتا تھا کہ دہشتگردوں کو ٹریننگ دی جا رہی ہے، بھارت سے پوچھتا ہوں کہ پہلگام میں چار لوگ گئے فائرنگ کی اور واپس فرار ہو گئے، بھارت بتائے کہ کیا آپ کی مقبوضہ وادی میں نو لاکھ فوج جھک مار رہی تھی ؟