لاہور: پنجاب ریونیو اتھارٹی (PRA) نے کاروباری مراکز کی جانب سے کچی رسیدیں جاری کرنے کے عمل کے خلاف کارروائی کا فیصلہ کرتے ہوئے اس پر پابندی عائد کردی ہے۔
اتھارٹی کے جاری کردہ اعلامیے کے مطابق صوبے میں ہوٹلز، ریسٹورنٹس، کافی شاپس اور میرج ہالز سمیت متعلقہ کاروباری اداروں کے لیے ای آئی ایم ایس (EIMS) کے ذریعے رسید جاری کرنا لازمی قرار دیا گیا ہے۔
اعلامیے میں واضح کیا گیا ہے کہ ای آئی ایم ایس کے تحت رسید جاری نہ کرنے والے کاروباری اداروں کو 4 لاکھ سے 10 لاکھ روپے تک جرمانے کا سامنا کرنا پڑ سکتا ہے۔
پنجاب ریونیو اتھارٹی کے ترجمان کے مطابق قوانین کی مسلسل خلاف ورزی کرنے والے اداروں کے خلاف مزید سخت کارروائی کی جائے گی، جس کے تحت ان کا کاروبار ایک ماہ تک سیل بھی کیا جا سکتا ہے۔
حکام نے متعلقہ کاروباری اداروں کو ہدایت کی ہے کہ وہ مقررہ نظام کے تحت رسیدوں کا اجرا یقینی بنائیں تاکہ قانونی کارروائی اور جرمانوں سے بچا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔