ہالی ووڈ اداکار جیانکارلو ایسپوزیٹو نےاسلام قبول کر لیا

سعودی عرب میں موجود ہالی ووڈ کے معروف اداکار کے بارے میں سوشل میڈیا پر یہ دعوے گردش کر رہے ہیں کہ انہوں نے اسلام قبول کر لیا ہے۔

یہ دعویٰ سعودی عرب کی جنرل انٹرٹینمنٹ اتھارٹی کے سربراہ کی جانب سے سامنے آیا، جن کے مطابق اداکار نے سعودی عرب میں قیام کے دوران کلمہ شہادت پڑھا اور بعد ازاں دیگر افراد کے ساتھ مسجد میں نماز بھی ادا کی۔

سوشل میڈیا پر ایک ویڈیو بھی زیرِ گردش ہے جس میں جیانکارلو ایسپوزیٹو کو ایک مسجد میں موجود دیگر افراد کے ساتھ دیکھا جا سکتا ہے۔ تاہم ویڈیو میں ان کے اسلام قبول کرنے کی براہِ راست تصدیق نہیں ہوتی۔

جیانکارلو ایسپوزیٹو اس وقت سعودی عرب میں بین الاقوامی فلمی منصوبے کی شوٹنگ میں مصروف ہیں۔ بتایا جاتا ہے کہ سعودی عرب میں قیام کے دوران انہوں نے مقامی لوگوں کے حسنِ سلوک، مہمان نوازی اور دوستانہ رویے کو سراہا۔

اداکار دنیا بھر میں اپنے کردار کی وجہ سے شہرت رکھتے ہیں، جو انہوں نے مشہور ٹی وی سیریز میں ادا کیا تھا۔

واضح رہے کہ سعودی عرب حالیہ برسوں میں فلم، ثقافت اور تفریحی صنعت کے فروغ کے لیے مختلف بین الاقوامی منصوبوں اور فنکاروں کو ملک میں مدعو کر رہا ہے، جس کے نتیجے میں عالمی فلمی سرگرمیوں میں اس کی موجودگی بڑھ رہی ہے۔