بنوں کے تھانہ میریان کے قریب ایک موٹرسائیکل میں نصب بارودی مواد پھٹنے سے 2 افراد جاں بحق اور 12 دیگر زخمی ہوگئے ہیں، جن میں ایک بچہ بھی شامل ہے۔
پولیس کے مطابق دھماکے کے فوری بعد بھاری نفری موقع پر پہنچ گئی اور زخمیوں کو ڈسٹرکٹ ہیڈکوارٹر اسپتال منتقل کیا گیا جہاں ان کا علاج جاری ہے۔
ابتدائی تحقیقات کے مطابق دھماکہ موٹرسائیکل میں نصب بارودی مواد سے ہوا۔ پولیس نے علاقے کو گھیرے میں لے کر سیکیورٹی سخت کر دی ہے اور تحقیقات کا آغاز کر دیا ہے۔ حکام کا کہنا ہے کہ واقعے کے محرکات اور نوعیت کا تعین تفتیش کے بعد کیا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔