پاکستان اور صومالیہ نے سفارتی پاسپورٹ رکھنے والے شہریوں کے لیے ویزا کی شرط ختم کرنے کا معاہدہ طے کر لیا ہے۔ اس معاہدے کا مقصد دونوں ممالک کے درمیان سفارتی تعلقات کو مضبوط بنانا اور باہمی تعاون کو فروغ دینا ہے۔
معاہدے پر صومالیہ کی وزارت خارجہ کے سیکرٹری اور پاکستان کی وزارت داخلہ کے سیکرٹری نے دستخط کیے۔ اس موقع پر صومالیہ کے وزیر داخلہ علی یوسف نے صدر مملکت آصف علی زرداری سے ملاقات کی، جس میں دوطرفہ تعلقات کے فروغ پر اتفاق کیا گیا۔
صدر زرداری نے کہا کہ افریقہ عالمی جیوپولیٹیکل منظرنامے میں اہم مقام رکھتا ہے اور پاکستان افریقی ممالک کے ساتھ تعلقات کو مستحکم کرنے کا خواہاں ہے۔ انہوں نے مشترکہ مفادات کے شعبوں میں قریبی تعاون کی خواہش کا بھی اظہار کیا۔
ملاقات کے دوران دونوں ممالک نے سرحدی جرائم اور منشیات کی اسمگلنگ کے خلاف مشترکہ کوششوں کے عزم کا اعادہ کیا اور مختلف شعبوں میں تعاون کے امکانات پر بھی بات کی گئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔