پاکستان نیوی نے زمین سے فضا تک مار کرنے والے میزائل کا کامیاب تجربہ کیا ہے۔ فوج کے شعبۂ تعلقاتِ عامہ کے مطابق اس آزمائش کے دوران ایل وائی 80 میزائل نے طویل فاصلے پر موجود فضائی ہدف کو مؤثر طریقے سے نشانہ بنایا۔
آئی ایس پی آر کا کہنا ہے کہ اس تجربے کا مقصد پاک بحریہ کے ایئر ڈیفنس سسٹم کی آپریشنل صلاحیتوں کا جائزہ لینا تھا، جو کامیابی سے حاصل کر لیا گیا۔ کمانڈر پاکستان فلیٹ نے میزائل تجربے کا مشاہدہ کیا اور پاک بحریہ کی پیشہ ورانہ تیاریوں پر اطمینان کا اظہار کیا۔
ادھر وفاقی وزیر داخلہ محسن نقوی نے میزائل کے کامیاب تجربے پر پاک بحریہ کو مبارکباد دی۔ انہوں نے کہا کہ ملکی دفاع کو مضبوط بنانے کی جانب یہ ایک اہم پیش رفت ہے، جو عسکری قیادت کی مؤثر حکمتِ عملی کا مظہر ہے۔
محسن نقوی کے مطابق زمین سے فضا تک مار کرنے والے میزائل کی کامیاب آزمائش دفاعی شعبے میں ایک نمایاں سنگِ میل کی حیثیت رکھتی ہے اور یہ پاکستان کی دفاعی صلاحیتوں میں اضافے کا ثبوت ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔