کراچی: سندھ کے وزیر اطلاعات شرجیل انعام میمن کا کہنا ہے کہ سہیل آفریدی کو تمام قانونی سہولتیں فراہم کی جائیں گی، تاہم شرط یہ ہے کہ وہ قانون کی پاسداری کریں اور کسی بھی غیرقانونی اقدام سے گریز کریں۔
اس حوالے سے صوبائی وزیر بلدیات ناصر حسین شاہ نے بھی وضاحت کرتے ہوئے کہا کہ سندھ میں وزیراعلیٰ خیبرپختونخوا سہیل آفریدی کو سیاسی سرگرمیوں کی اجازت حاصل ہے اور باغِ جناح میں جلسے کے انعقاد کی اجازت دی جا رہی ہے۔
شرجیل میمن نے مزید کہا کہ سندھ حکومت جمہوری اور سیاسی سرگرمیوں پر یقین رکھتی ہے اور قانون کے دائرے میں رہتے ہوئے ہر ممکن تعاون فراہم کیا جائے گا۔
دوسری جانب چیئرمین پاکستان تحریک انصاف بیرسٹر گوہر نے سندھ حکومت کے مثبت رویے پر اظہارِ تشکر کرتے ہوئے کہا کہ سیاسی سرگرمیوں کے لیے تعاون خوش آئند اقدام ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔