خوش قسمت شخص نے پاوربال میں جیتا 1.8 ارب ڈالر!”

امریکی ریاست آرکنساس میں کرسمس کی رات پاوربال لاٹری کا ٹکٹ تاریخی جیک پاٹ جیت گیا۔ جیتنے والے شخص نے 1.8 ارب ڈالر (تقریباً 500 ارب پاکستانی روپے) کا انعام حاصل کیا۔
پاوربال حکام کے مطابق جیتنے والے ٹکٹ نے تمام چھ نمبرز درست طور پر میچ کیے، جن میں 4، 25، 31، 52، 59 اور پاوربال نمبر 19 شامل تھے۔ اس کے علاوہ ٹکٹ میں 2x پاور پلے ملٹی پلائر بھی شامل تھا۔ جیک پاٹ کی مجموعی مالیت 1.817 ارب ڈالر تک پہنچ گئی۔
یہ انعام امریکی تاریخ کا دوسرا سب سے بڑا پاوربال جیک پاٹ ہے اور اس سال کا سب سے بڑا انعام بھی قرار دیا گیا ہے۔ اس سے قبل آرکنساس سے صرف ایک مرتبہ، 2010 میں، پاوربال جیک پاٹ جیتا گیا تھا۔
حکام کا کہنا ہے کہ جیتنے والے شخص کی شناخت فی الحال ظاہر نہیں کی گئی، اور انعام کی ادائیگی سے متعلق قانونی اور مالی کارروائی آنے والے دنوں میں مکمل کی جائے گی۔