راولپنڈی میں ٹریفک قوانین کی خلاف ورزیوں کے تدارک کے لیے ای چالان سسٹم فعال کر دیا گیا ہے۔ شہر بھر میں سیف سٹی منصوبے کے تحت جدید نگرانی کا نظام مکمل طور پر کام کرنا شروع ہوگیا ہے، جس کے ذریعے ٹریفک کی مختلف خلاف ورزیوں پر خودکار چالان جاری ہوں گے۔
سیف سٹی سسٹم کے تحت راولپنڈی کے 359 مقامات پر دو ہزار سے زائد کیمرے نصب کیے گئے ہیں جو موٹر سائیکل اور گاڑیوں کی نقل و حرکت کی مسلسل نگرانی کرتے ہیں۔ یہ کیمرے ہیلمٹ نہ پہننے، سیٹ بیلٹ استعمال نہ کرنے، سگنل توڑنے اور دیگر ٹریفک خلاف ورزیوں کی نشاندہی کرتے ہیں۔
خلاف ورزی ثابت ہونے پر ای چالان تصاویر اور کوڈ سمیت گاڑی کے مالک کے پتے پر بھیجا جائے گا۔ حکام کے مطابق اس نظام سے ٹریفک کی نگرانی میں شفافیت بڑھے گی اور ٹریفک وارڈنز سڑکوں پر روانی برقرار رکھنے پر زیادہ مؤثر انداز میں توجہ دے سکیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔